A quen van dirixidos? A persoas que teñan recoñecida a condición de persoa con discapacidade, cunha idade comprendida entre os 11 e os 40 anos e presenten calquera tipo de limitación e/ ou necesidade especial.

Que requisitos se necesitan?

•  Ter recoñecida unha discapacidade cunha porcentaxe igual ou superior ao 33%
• Ter unha idade comprendida entre os 11 e os 40 anos. Ter cumprida a idade mínima establecida ao inicio da quenda e non superar a máxima á súa finalización
• Estar empadroados nalgún concello de Galicia.
• Non presentar trastornos que poidan alterar a convivencia durante o transcurso da actividade.
• Ter unha capacidade mínima de comunicación e de participación nas actividades que se van desenvolver.
• Ter unha mobilidade acorde coas características da instalación que solicita.

Que servizos se ofertan?

1. Aloxamento en albergue ou residencia, segundo o destino solicitado.
2. Manutención en réxime de pensión completa.
3. Programa de actividades de animación sociocultural.
4. Material necesario para a actividade.
5. Equipo técnico de persoal especializado en animación sociocultural, actividades de tempo libre e náuticas.
6. Atención sanitaria de primeiros auxilios e seguro de accidentes.

Que destinos existen? O Albergue Xuvenil de Gandarío (Bergondo- A Coruña) e a Residencia de Tempo libre Panxón (Nigrán-Pontevedra).

Cal será o importe a pagar?  Será de 125€ pero o importe pódese reducir nun 50% se se trata de familia numerosa e nun 25% se ten o carné xove.

Onde se poden atopar os impresos de solicitudes? Na páxina web http://benestar.xunta.es/web/portal/campamentos-veran-

Ata cando está aberto o prazo? Ata o 10 de xuño incluido.

Onde podo pedir máis información?

• No teléfono: 900 333 666
• Na páxina web: http://benestar.xunta.es