A Concelleira de Deportes de Narón, Natalia Hermida, ven de informar da próxima apertura do prazo de inscrición para participar na “Campaña de Esquí 2015”, solicitada polo Padroado de Deportes do Concello de Narón á Deputación da Coruña, organizadora desta actividade.

Cantos mozos e mozas terán praza? Narón conta en total con 20 prazas reservadas para rapaces e rapazas que naceran entre o 2001 e o 2005 (incluídos). No caso de haber máis solicitudes que prazas dispoñibles, realizarase un sorteo público ante o Secretario do Concello para adxudicalas.

Cando comeza o prazo de inscrición? O prazo de inscrición é do 1 ó 19 de decembro, e os interesados deberán cubrir unha ficha de preinscrición que se entrega no Rexistro Xeral do Concello.

Canto vai costar? O prezo desta actividade é de 60 euros. Os participantes terán cuberta a estancia e manutención, así como os cursiños de esquí e outras actividades que se desenvolverán na Estación Invernal de Manzaneda (Ourense) do 30 de xaneiro ó 1 de febreiro de 2015.

Vémonos na neve!

(Para máis información podedes descargar o cartel e o tríptico informativo ao pé desta mesma nova)