Un, dous, tres, chachachá! Esta fin de semana en Narón: Campionato de España Latinos 2015
- Para comezar o venres, no Pazo da Cultura celebrarase o Campionato de España de Danza Coreográfica. Esta é a novidade desta edición. En total se inscribiron trece equipos.
- O venres e o sábado disputarase tamén o XIV Trofeo de Bailes Deportivos Cidade de Narón, no pavillón da Gándara.
No acto de presentación do evento estiveron presentes os concelleiros de Deportes e Cultura, Román Romero e Marián Ferreiro, respectivamente, e a representante do Club Baile Deportivo Narón, Sandra García.
No Campionato de España Latinos 2015, que se celebra por primeira vez en Narón, participarán 615 parellas. Desta un total de 53 son da localidade! As actuacións serán valoradas por 30 xuíces.
En total, o Concello de Narón destina unha partida de 45.000 euros ao evento, a través da Concellería de Cultura, tal e como explicou a titular desta área, Marián Ferreiro. A edil naronesa valorou o feito de que se celebre no municipio este campionato estatal e incidiu na aposta do Concello por este tipo de actividades “porque consideramos que a Cultura e o Deporte deben estar tamén sempre na primeira liña da política, neste caso municipal, para apoiar tanto ás persoas que practican actividades relacionadas con estas dúas áreas como ás programacións vencelladas ás mesmas”.
Cal é o programa deste evento? O edil de Deportes, Román Romero, e a representante do Club Baile Deportivo Narón, Sandra García, explicaron detalladamente o programa da convocatoria.
- Venres
- ás 17 horas: Acto de apertura de portas no Pazo da Cultura
- 17.55 horas: Trofeo Standard e Latinos.
- 18:00-18:50 horas: Desenvolveranse as probas das modalidades Junior, Xuvenil, Youth e Latinos en diferentes niveis
- 18:50 horas: Entrega dos primeiros trofeos
- 19:25 horas: Sesións do campionato de España na modalidade de Danza infantil. Posteriormente tócalles aos niveis xuvenil, junior e absoluta.
- 20:45 horas:Entrega de trofeos desta competición.
Como podemos asistir? As entradas para asistir están xa á venta no Pazo da Cultura
O seu prezo? 6euros.
- Sábado
- 14:50 horas: Campionato de España de Latinos no pavillón polideportivo da Gándara. Ata as 16.30 terán lugar os oitavos e os cuartos de final das categorías Senior, Xuvenil, Junior e Youth
- 16:30 horas: Tradicional desfile de bandeiras
- 17:00 horas: As semifinais do Campionato de España Latinos 2015 nas mencionadas categorías
- 18:55 -22:10 horas horas: Finais
- Domingo
- 14:30 horas: Probas do campionato de España cos oitavos de final, aos que seguirán os cuartos e
- 17.00 horas: Desfile de bandeiras
- 17:20 horas: Semifinais desta convocatoria
- 19:20 horas: Probas da final.
- 22:00 horas: A competición rematará pasadas as dez da noite, coa entrega dos trofeos
Como podo asistir? O concelleiro de Deportes, Román Romero, anunciou que as entradas do sábado e o domingo se venderán eses mesmos días a partir das 08.00 horas no pavillón polideportivo da Gándara.
Cal é prezo? 10 euros.
OLLO! Os asistentes poderán acollerse a un desconto no caso de mercar as dos dous días, que teñen un prezo de 16 euros.
O Padroado de Cultura, a Federación Española de Baile e o Club de Baile Deportivo Narón organizan a convocatoria, na que colabora a Concellería de Deportes de Narón.