O seu nome ven do inglés Massive Online Open Course: cursos online masivos e abertos. Os cursos COMA da UNED son cursos de acceso libre, esto quere dicir que non temos por que ser universitarios para recibir esta formación. Ademáis son gratuitos e 100% online, podendo acceder a eles en calquera momento e dende calquera lugar con conexión a Internet.

Os contidos están divididos en pequenas pílulas formativas en formato de video, seguidas de pequenos cuestionarios que aseguran a comprensión dos contidos por parte d@ alumn@. Nalgúns casos pode haber un exame final cun maior número de preguntas.

Pero ten algunha validez? Os cursos COMA pódense certificar de varias maneiras. Hai dúas opcións de certificación oficial:

1. Certificado de Aproveitamento ou Credencial, previo abono de taxas (10-15 €) e exame online.
2. Diploma UNED COMA, previo abono de tasas (40-60 €) e superada unha proba presencial.

E hai unha forma de certificación informal que consiste en Badges ou insignias de participación, que se van concedendo conforme avanza o proceso de autoavaliación, sen efecto académico e gratuitas.

Que cursos podo atopar? Actualmente están dispoñibles os seguintes cursos:

• Emprendemiento e Innovación Social
• Curso práctico de uso de Open Data: oportunidades de negocio ligadas aos datos en aberto
• Curso práctico de Comercio Electrónico: descubrindo o canal de venta online
• A Contabilidade, a linguaxe dos negocios
• Empeza co inglés: aprende as mil palabras máis usadas e as súas posibilidades comunicativas
• IBERVIRTUAL COMA: Competencias dixitais básicas
• A felicidade, a economía e a práctica empresarial
• Inglés Profesional / Professional English
• Alemán para hispanofalantes: nocións fundamentais
• O Estado do Benestar
• A Responsabilidade Social Corporativa: Ruta á Sostenibilidade
• A Tutoría na Escola
• Lóxica e Usos
• Química Analítica Básica
• Competencias Transversais do Emprendedor
• Mini-vídeos docentes modulares: un elemento crítico no deseño dun MOOC
• TICs para ensinar e aprender
• Grandes obras do arte español do Renacimiento e o Barroco no seu contexto internacional

Para obter o Diploma UNED teredes que pasar unha proba presencial no centro da UNED que teñades máis preto. Na nosa bisbarra a UNED ten a súa oficina na rúa María 52-54 de Ferrol, podedes pedir máis info no seu correo: info@ferrol.uned.es ou visitar a súa web: http://extension.uned.es/indice&tiempo=0&modalidad=&tipologia_curso=Ordinario&idcentro=47

Se queredes máis información sobre os contidos destes cursos, visitade a web dos cursos COMA da UNED: https://unedcoma.es/

Vémonos na Rede!!