Os tres Reis Magos, Melchor, Gaspar e Baltasar, irán acompañados na comitiva polo rei da solidaridade, Artabán
e percorrerán un tramo da estrada de Castela, entre Xuvia e o Alto, ata chegar á Praza de Galicia, onde baixo unha carpa se celebrará unha gran festa dirixida ao público infantil.
No caso de que as condicións meteorolóxicas non permitan celebrar o desfile da comitiva pola estrada de Castela as actividades desenvolveranse tal e como están previstas na Praza de Galicia, a partir das 17:30 horas.
O acto institucional comezará coa recepción a Melchor, Gaspar, Baltasar e Artabán, a partir das 17.30 horas, na Praza de Galicia, onde pronunciarán un pequeno discurso dirixido aos máis pequenos da casa.
A continuación Dani Ríos cantará o vilancico “Narón brilla en Nadal”, acompañado polas perdoas asistentes, que tamén interpretarán unha panxoliña ensaiada nas últimas semanas nas parroquias por nenos/as e persoas maiores. Finalizadas as actuacións os nenos e nenas poderemos falar cos catro Reis Magos, que repartirán caramelos e gozar cos “cantabailes”.
As doce carrozas transportarán parte dos alimentos e produtos de hixiene doados por particulares nas últimas semanas e que se entregarán ao Centro de Recursos Solidarios de Narón para repartilos nos vindeiros días entre as familias con escasos recursos económicos.
Vémonos en Xuvia!