entregaron o pasado 19 de setembro os diplomas do programa "Habilita 2014" financiado integramente con fondos municipais, e dirixido a veciñ@s de Narón en situación de desemprego. A maioría dos alumnos realizaron varios cursos deste programa. 

En total, foron entregados máis de 100 diplomas correspondentes a 10 cursos de formación, que son os seguintes:

• Prevención de riscos e saúde laboral (60 horas de formación). 15 diplomas.
• Hixiene alimentaria para manipulador de alimentos en Hostelería e comercio/alimentación (6 horas). 28 diplomas.
• Iniciación ás vendas e atención ó público (20 horas). 9 diplomas.
• “Cómo iniciar un proxecto de negocio” (30 horas). 6 diplomas.
• Comercio electrónico (50 horas). 11 diplomas.
• Destrezas básicas de camareiro de bar-cafetería e restaurante (40 horas). 7 diplomas.
• Mellora da empregabilidade (20 horas). 4 diplomas.
• Iniciación ó cultivo baixo abrigo (20 horas). 12 diplomas.
• Iniciación á maquinaria agroforestal manual e lixeira (10 horas). 8 diplomas.
• Destrezas básicas de construción: alicatados e canalización de auga potable e augas residuais (50 horas). 7 diplomas.

Dentro deste programa de formación tamén están incluídos tres cursos sobre informática (Iniciación, Procesador de textos, e Folla de Cálculo) cun total de 28 alumnos/as que recollerán o diploma hoxe luns 22 de setembro.

A Concelleira de Formación Laboral e Emprego felicitou ós alumnos por ter concluído con éxito estes cursos, e alentoulles a continuar formándose para ter máis posibilidades de atopar un emprego.

Próximamente terá lugar a segunda edición do programa “Habilita 2014”. O prazo de inscrición estará aberto do 29 de setembro ó 4 de outubro. Ofertaranse tres cursos de formación:

• Prevención de riscos laborais
• Hixiene alimentaria para manipuladores de alimentos
• Aerografía.