O Padroado da Cultura informa na súa web: www.padroadodecultura.es que xa está deseñada a oferta formativa das Escolas Culturais Municipais para este vindeiro curso 2015-2016.

Como grande novidade para este curso o Padroado engade as aulas de acordeón que serán impartidas polo mestre Jorge Vázquez. Esta actividade está aberta a todos aquelas persoas que queiran participar e teñan máis de 8 anos.

O prezo? A taxa será a mesma que para o resto das aulas das escolas promocionadas polo Padroado, é dicir, 63,10 € por todo o curso. 

Onde facer as matrículas? Pódense formalizar nas oficinas do Pazo da Cultura entre o 14 de setembro e o 3 de outubro, en horario de 09:00 a 14:00 horas e de 17:00 a 19:00 horas, de luns a venres, e de 10:00 a 13:00 horas, os sábados.

Se precisades máis información podedes chamar ao 981 391 144, o teléfono do Padroado.