A cita será a partir das 20.00 horas e as últimas entradas dispoñibles poden adquirirse na billeteira do Pazo ou na web do Padroado da Cultura www.padroadodecultura.es , a un prezo de 20 euros para o público xeral e de 14 para abonados, desempregados e persoas con carné xove ou de estudante (ata 25 anos).

A obra de teatro El funeral está centrada nunha importante figura do cinema, teatro e televisión en España, Lucrecia Conti, á que o Ministerio de Cultura lle organiza un velorio nun gran teatro a modo de despedida tralo seu falecemento. Os familiares da defunta reciben numerosas condolencias e a historia cambiará cando todos os alí presentes queden pechados no teatro e se lles apareza a pantasma de Lucrecia, que se quere despedir deles.