As persoas interesadas en asistir poderán elixir entre oito Escolas Culturais de corte tradicional do Padroado, a Escola de Debuxo, e a de Teatro. A alcaldesa da cidade e presidenta do Padroado da Cultura, Marián Ferreiro, destacou a excelente acollida que ano tras ano teñen na cidade e no resto da comarca as Escolas Culturais Municipais, “donde cada ano se matriculan máis dun milleiro de persoas de diferentes idades, ao ofrecerse formación a partir de tres anos”.

En canto ás Escolas tradicionais, poderase elixir entre as de: Danza tradicional ou Canto e pandeireta (para nenos e nenas a partir de 5 anos); Gaita ou Percusión tradicional (dende os 6 anos); Acordeón e Zanfona (a partir de 8 anos); Construción de instrumentos (desde os 16 anos) e O Recuncho dos Pequechos (para menores de 3 e 4 anos). O prezo de calquera destas modalidades é de 63,10 euros por curso.

As modalidades ofertadas a través das Escolas Artísticas son os obradoiros de Teatro (a partir de 4 anos e nas modalidades de infantil, xuvenil e adulto), e a Escola de Debuxo (dende 6 anos), tamén cun prezo de 63,10 euros por curso. Así mesmo, impartiranse cursos de Acceso na Escola de Formación de Actores e Actrices (a partir de 16 anos), cun primeiro, segundo e terceiro curso e o Practicum. O prezo para o primeiro curso e o Practicum é de 63,10 euros por curso, se ben o segundo e terceiro custan 208 euros.

As persoas interesadas en matricularse nas Escolas Culturais do Padroado da Cultura poderán facelo entre o 9 de setembro e o 5 de outubro nas oficinas do Pazo da Cultura, de luns a venres en horario de 9.00 a 14.00 e de 17.00 a 19.00 e os sábados dende as 10.00 ata as 13.00 horas. Para recibir máis información pódese chamar ao número de teléfono 981 391 144 ou escribir un correo electrónico á dirección: d.canovas@naron.es.

En canto ás Escolas Deportivas do Servizo Municipal de Deportes, nas ubicadas no complexo polideportivo municipal da Gándara e na piscina: natación, ximnasia de mantemento, ioga, pilates e musculación, así como nas escolas deportivas exteriores: tenis de mesa, remo e xadrez, o prazo de inscrición abrirá o vindeiro mes de setembro. Os usuarios que non teñan reserva de praza –para o que terían que estar inscritos nas actividades en xuño deste ano- teén que tramitar as inscricións do 9 ao 30 de setembro no caso de tratarse de veciñas e veciños de Narón e posuidores do bono familiar e do 16 ao 30 de setembro no caso de veciños e veciñas doutros concellos. En ambos casos os trámites realízanse nas oficinas do complexo polideportivo da Gándara en horario de 9.00 a 13.00.

En canto ás escolas de actividades conveniadas e outras actividades de clubs –atletismo, balonmán, tiro con arco, fútbol, fútbol sala, baloncesto, piragüismo, golf, boxeo, kick boxing e patinaxe artística, as inscricións realizanse nos propios clubs, se ben se pode solicitar información ao respecto nas oficinas do complexo polideportivo municipal da Gándara.