Na rolda de prensa felicitou os tres premiados, que recibirán o próximo 7 de decembro, ás 12:00 horas, un cheque polo importe correspondente nun acto público que se fará no Concello.

En total foron 128 as imaxes presentadas por 40 participantes. Hai que destacar que maior parte foron veciños e veciñas de Narón, aínda que tamén se recibiron imaxes dende Ferrol, Fene, Miño e Cambre.

Os tres primeiros clasificados cos seus premios foron:

• 1º premio: Ddotado con 750 euros, foi para José Antonio Serantes, de Narón, coa imaxe “Día da Bicicleta”
• 2º premio: De 300 euros, foi para Francisco Javier Rodríguez, de Narón, pola fotografía titulada “Ribeira do Río Grande”
• 3º premio: De 150 euros, para Laura González, de Cambre, por “Ponte medieval de Pielas”

O xurado formárono os fotógrafos:

• Kiko Delgado, de El Correo Gallego.
• Jesús G. Taboada, propietario do estudo F64 Fotógrafos.
• Daniel Alexandre, de Diario de Ferrol.

As tres imaxes gañadoras formarán parte, xunto con outras nove presentadas do calendario de sobremesa que editará a Concellería de Turismo para o vindeiro ano 2017.

Deixámosvos as imaxes gañadoras no arquivo PDF adxunto.