O programa "Dinamizando o medio ambiente" busca achegar a riqueza natural e paisaxística dos parques naturais de Galicia aos mozos e mozas da nosa Comunidade Autónoma
Dentro destas actividades, os próximos días 14, 15 e 16 de xullo de 2017 desenvolveranse unhas xornadas de lecer educativo no Parque Natural de O Invernadoiro, en Ourense.
Estas xornadas van dirixidas a mozos e mozas galegos entre os 16 e os 30 anos. Hai 50 prazas e o prazo de solicitude está aberto ata o día 12 de xullo.
As inscricións poden realizarse online, a través deste formulario.
A adxudicación das prazas será por rigorosa orde de inscrición, ata cubrir a totalidade de prazas convocadas para o intercambio. As persoas solicitantes seleccionadas recibirán un correo electrónico de confirmación da praza.
Que inclúe?
- Aloxamento en réxime de pensión completa en cuarto múltiple.
- Transporte de ida e volta dende Santiago (en función da procedencia dos/as participantes o servizo de autobús poderá realizar parada nalgún/s municipio/s coincidentes na ruta Santiago- Parque Natural do Invernadoiro).
- As actividades poderán sufrir modificacións en función das condicións meteorolóxicas.
Que precisas levar?
- Saco de durmir
- Calzado cómodo, chanclas para as actividades acuáticas e traxe de baño.
- Útiles de aseo
- Toallas
- Non esquezades a tarxeta sanitaria.
Descarga o programa de actividades: