Está prevista a participación de 150 mozos/as tanto de Narón coma da bisbarra e doutros puntos de Galicia.

A quen vai dirixido este evento? Principalmente ás persoas que teñan entre 14 e 30 anos de idade, e que queiran pasalo ben entre as 16:00 e as 00:00 horas!

Nesta 12ª edición do Encontro da Mocidade, o Concello de Narón promoverá as seguintes actividades dirixidas á xuventude: 

• Exhibición-obradoiro de Grafiti.
• Concertos lanzadeira dos grupos “Bulldozer”, “Wolfram”, “Rook” e “Neurótika”, que habitualmente empregan as aulas de ensaio da Escola da Música Moderna.
• Obradoiros de tuneado de camisetas.
• Obradoiro de Tenis de Mesa.
• Exhibición de Zumba.
• Obradoiro de Tiro con Arco.
• Obradoiro de Patinaxe en liña.
• Obradoiro de “Flag-Fútbol”.
• Exhibición de Jugger.
• Obradoiro de Surf.
• Obradoiro de Nutrición.
• Obradoiro de Accesibilidade (Baloncesto en cadeira de rodas). “Proxecto Peciños”.
• Obradoiro de Taichí.
• Actuación de Miscelánea (grupo de artes escénicas con mozos/as da comarca).

Ademais, se as circunstancias metereolóxicas o permiten, realizaranse tres actividades no exterior da Casa da Mocidade:

• Minicircuito de karts.
• Obradoiro de BTT.
• Exhibición de patinaxe agresivo e skate.

Iso non é todo... Paralelamente ó Encontro da Mocidade, instalaranse tres stands informativos da Asociación xuvenil “Xeración”, a Asociación de Parkour, e a Carpa "Xplora Xuventude" da Dirección Xeral de Xuventude e Voluntariado.

Así mesmo, colaborarán de forma voluntaria os seguintes grupos e asociacións:

• Grupos de graffiteiros.
• Grupos de música das aulas de ensaio da Escola de Música Moderna e alumnado.
• Club Tenis de Mesa ‘Cidade de Narón’.
• Club Arco Narón.
• Grupo de patinadores/as e BTT.
• AVV As Regueiras do Feal.
• Escola de Surf Pantín.
• Especialistas en Taichí, Jugger e Flat Fútbol.
• Asociación de Minusválidos de Narón.
• Asociación xuvenil “Xeración”.
• Asociación de Parkour.