Mediante o Programa "Líderes de futuro", pertencente á Consellería de Política Social, a través da Dirección Xeral de Xuventude, Participación e Voluntariado; desenvolveranse diversas accións, formativas e prácticas, co obxectivo de mellorar as competencias e habilidades dos mozos e mozas galeg@s. Así facilitarase a empregabilidade dos mozos e mozas e promocionarase o futuro dos e das profesionais de Galicia, potenciando o liderado profesional, social e cultural.

Para este programa ofértanse 50 prazas, destinadas a mozos e mozas galegos/as, entre os 18 e os 30 anos que pertenzan polo menos a un destes colectivos:

1. Emprendedores nalgunha actividade profesional por conta propia no ano 2015: 15 prazas.
2. Mozas e mozos galegos inscritos no Sistema de Garantía Xuvenil: 15 prazas.
3. Mozas e mozos galegos líderes de asociacións xuvenís inscritos no rexistro de entidades xuvenís da Dirección Xeral de Xuventude, Participación e Voluntariado e membros de grupos informais que participaran en proxectos de Educación non Formal: 20 prazas.

Como e cando facer a inscrición?

1. O prazo de inscrición vai do 9 ao 21 de febreiro de 2016.
2. As prazas adxudicaranse por orde de inscrición ata esgotar as prazas ofertadas. 
3. Toda a documentación necesaria para a inscrición debe enviarse a través do enderezo: lideresdefuturo@xunta.es

A inscrición a este programa é gratuíta.

Se estás interesado/a e precisas máis información podes descargar o folleto informativo e o formulario de inscrición ao pé desta páxina.