Este fin de semana temos unha nova cita co deporte, e concretamente co fútbol, no Estadio Municipal de Río Seco: VI Torneo Internacional "Cidade de Narón" de Fútbol Base.

Os clubes participantes nesta competición internacional con os seguintes:

COMPETICIÓN ALEVÍN:

• F.C. Porto
• Club Atlético de Madrid
• Athletic Club de Bilbao
• Real Oviedo
• Narón Balompé Piñeiros
• S.D. O Val de Narón
• S.C.D.R. Galicia de Caranza
• Escola de Fútbol Amistade.

COMPETICIÓN BENXAMÍN:

• Narón Balompé Piñeiros
• S.D. O Val de Narón
• Montañeros C.F.
• F.C. Ortigueira
• C.D. As Pontes
• C.C.R.D. Perlío.

O torneo está organizado polo Club Balompé Piñeiros, en colabotación co Padroado de Deportes do Concello de Narón, e a Concellería de Turismo. O director deportivo do Torneo, Carlos Castro declarou na presentación: "...é punteiro na comarca, e que ademáis contribúe a xerar ilusión, que fai moita falta nestes momentos de pesimismo a nivel social, debido á crise económica que estamos a atravesar."

A Concelleira de Deportes, Natalia Hermida, indicou que nos dous días do torneo pasarán por aquí máis de 3000 persoas que deixarán unha importante pegada no sector hosteleiro naronés. A ocupación hoteleira para este fin de semana agárdase que sexa moi alta xa que 4 dos equipos que van participar neste torneo son de fora da bisbarra, polo que van quedar a durmir no noso Concello.

"Dende aquí quero animar a tódalas persoas de Narón e comarca a acudir a presenciar os partidos” declarou Natalia Hermida, ó tempo que agradeceu ó Narón Balompé  Piñeiros o traballo que está a facer “na organización dun torneo tan importante a nivel deportivo como é este”.

Canto vai costar entrar? O prezo das entradas será o seguinte:

• Nenos/as ata 10 anos de idade: gratis
• De 10 a 18 anos: 1 euro
• Maiores de 18 anos: 5 euros

Haberá algo máis? A organización sorteará balóns e camisetas firmados por xogadores de fútbol de 1ª división. O torneo estará amenizado por un coñecido speaker do mundo deportivo, e ademáis será retransmitido pola TVG 2.

Só fútbol? Non! Nos descansos entre partidos, o VI Torneo Internacional de Fútbol Alevín e Benxamín estará amenizado por Eva Castro, gañadora do Concurso de Monólogos en Lingua Galega "Que me dis!" organizado polo Concello de Narón.

Os horarios? Os partidos disputaranse entre o sábado 15 e o domingo 16, en horario de mañá e de tarde.

Se queredes ver aos equipos antes... haberá unha presentación pública dos equipos que participan neste torneo, o sábado 15 de xuño no Hotel Husa Odeón (ás 21:30 horas), segundo comentou o responsable da organización do Torneo, Juan Ramos.

Adxuntamos o díptico do torneo para que teñades toda a información.