A “Exposición Galega da Pomba Mensaxeira”, celébrase todos os anos e cada ano nun lugar diferente. Nesta edición, o Club Colombófilo Mensaxeiras Mariñas Altas de Narón faise cargo da organización, co fin de promocionar este deporte das carreiras con pombas mensaxeiras en Narón e na comarca.

Concentraranse en Narón exemplares de pombas mensaxeiras procedentes de todas as sociedades colombófilas de Galicia, que competirán entre si en distintas modalidades, dependendo da súa idade e o seu palmarés deportivo, aspectos que os xuíces valorarán á hora de examinar os exemplares, ademais das calidades físicas dentro dun standard internacional. Da exposición sairán as mensaxeiras premiadas, proclamadas Campioas de Galicia, que representarán á nosa Comunidade Autónoma na Exposición Nacional que se celebrará en Asturias a finais de Xaneiro do 2012. Estas pombas estarán expostas en gaiolas individuais sobre mesas na área comercial.

Nesta exposición participarán tres xuíces nacionais, seis xuíces rexionais e seis xuíces sociais, ademais de diferentes colombófilos relacionados cos distintos traballos que se esixen para a posta en marcha dun acontecemento especial, ao tratarse da montaxe nunha superficie comercial.

Programa:

14 de Xaneiro (sábado).

• 08,00horas. Montaxe da exposición por parte da organización.

• 11,00h. CURSO DE RECICLAXE DE XUÍCES. Neste curso participarán todos os xuíces galegos, dos cales 3 son de Mariñas Altas de Narón. Será impartido por D. Agustín Fernández Ventura (Presidente da Comisión Nacional de Xuíces da R.F.C. Española). Temario: Conclusións sobre o segundo congreso Nacional de Xuíces Colombófilos celebrado en Madrid os pasados días 21, 22 e 23 de Outubro. Consignas para xulgar as pombas da Exposición de Narón. Lugar do acto: Hotel Husa Odeón. Salga Concepción Arenal.

• 14,30h. Xantar de traballo para os xuíces participantes na Exposición Rexional.

• 16,30h. Enjuiciamiento das pombas participantes na XLV Exposición Galega, que se realizará nun recinto do C.Comercial Dolce Vita. De face ao público.

15 de Xaneiro. Domingo.

• 09,00h. Apertura da exposición ao público. (As pombas permanecerán expostas no C.Comercial Dolce Vita todo o día)

• 12,30 h. no Hotel Husa Odeón. Salón Belo Piñeiro. Conferencia: Tema “Colombofilia Canaria-Colombofilia Galega”

• 15,00h. No Salón Rosalía de Castro do Hotel Husa Odeón, xantar de irmandade. Entrega de premios da exposición e aproveitarase para facer a entrega de premios da Campaña Deportiva do Ano 2011. da Federación Galega de Colombofilia.

Lugar de celebración

XLV Exposición Galega dá Pomba Mensaxeira Cidade de Narón celebrarase os días 14 e 15 de Xaneiro de 2012 no C.Comercial Dolce Vita.

Participación

Club Colombófilo Ás Compostelás. Santiago de Compostela.
Club Colombófilo Monte do Gozo.Santiago de Compostela.
Círculo Colombófilo Herculino. A Coruña.
Club de Fondo Mensaxeiras de Sada. Sada.
Club Colombófilo Pombas Mensaxeiras de Narón. Narón.
Unión Colombófila Mensaxeiras Mariñas Altas de Narón. Narón.
Club Colombófilo Pombas Mensaxeiras de Cambre. Cambre.   
Club Colombófilo Ás do Barbanza. Pobra do Caramiñal.
Club Colombófilo Arousa Norte. Pobra do Caramiñal.
Club Colombófilo Pombas dás Mariñas. Viveiro.
Club Colombófilo Aires de Lemos. Monforte de Lemos.
Club Colombófilo Lucense. Lugo.
Club Colombófilo Muralla de Lugo. Lugo.
Club Colombófilo Ría de Pontevedra. Pontevedra.
Club Colombófilo Pombas Mensaxeiras de Vigo. Vigo.
Mensaxeiras do Atlántico. Vigo.
Club Colombófilo Rías Baixas. Vigo.
Club Colombófilo Porriño. Porriño.
Club Colombófilo Pombas do Salnés. Vilagarcía de Arousa.
Club Colombófilo Pombas Mensaxeiras de Nigrán. Nigrán.
Club Colombófilo Pombas do Val Miñor. Gondomar.
Club Colombófilo Pombas do Morrazo. Cangas do Morrazo.

Nota: Entre todos estes Clubs, participarán ao redor das 150 pombas.