O XXI Trofeo de Balonmán ‘Cidade de Narón’ nas categorías de base, que  terá lugar no Complexo Polideportivo Municipal de A Gándara o sábado 17 de maio, foi presentado hoxe en rolda de prensa pola Concelleira de Deportes (Natalia Hermida) e a directiva do Club Balonmán Narón (José Oreona –presidente-, Laura Barrio –vicepresidenta- e José Luis Martínez –Secretario-). 

Está prevista a participación de tres clubs de Balonmán: Club Balonmán Camariñas, Balonmán Compañía de María (Ferrol) e, Club Balonmán Narón

Trátase dun torneo de deporte base, no que se teñen establecido tres categorías:

• Alevín mixto (xogarán de 15:30 a 17:30 horas)
• Cadete feminino (de 17:30 a 19:00 horas)
• Infantil masculino (de 19:00 en adiante)

Este evento está organizado por vixésimo primeiro ano consecutivo polo Club Balonmán Narón, en colaboración co Padroado de Deportes do Concello de Narón. A edil da área, Natalia Hermida, agradeceu á directiva da entidade o traballo que realizan para sacar adiante este trofeo, e valorou os bos resultados acadados polo club grazas ós cales se conseguiu recuperar o equipo Senior masculino, despois de dous anos sen él.

Ademais, cabe destacar que o equipo Infantil masculino atópase en promoción de ascenso para a División de Honor.

Ó finalizar celebrarase a entrega de trofeos.