Uns 200 rapaces e rapazas participarán o próximo 4 de xuño no 9º Encontro da Mocidade de Narón, que se celebrará na Casa da Mocidade, o pavillón e skatepark.

Dirixido a mozas/os dende os 14 anos ata os 30 anos, especialmente para os que estean entre os 16 e 23 anos, o encontro é unha estratexia para desenvolver actividades en común e crear espazos para o debate e a comunicación entre a mocidade que permitan xerar estruturas organizativas: ben de novas asociacións ou de grupos organizados por intereses comúns.

Na xuntanza compartirán afeccións e cun eixo argumental proposto previamente realizarán distintas actividades de grafitti,música, patinaxe, obradoiros,novas tecnoloxías etc.

O encontro articúlase en torno as accións de:

• Kedada de Graffiti
• Actuacións musicais de combos da Escola de música moderna
• Obradoiro de confección e makeado de camisetas 
• Obradoiro de “ Reanimation” ( montaxe de PCs) e de Redes (conexión a redes)
• Obradoiro de tenis de mesa
• Obradoiro de técnicas de ligue
• Obradoiro “ Feito por Nós” (manualidades)
• Obradoiro de tiro con arco
• Kedada de patinaxe (con máis de 40 participantes de toda a provincia)
• Actuación do grupo Brio de baile moderno
• Obradoiro de emprego a través das novas tecnoloxías
• Actuación musical do grupo “ Cantar e divertirse Xuntos”