Este programa pretende facer chegar á mocidade, a través dun obradoiro práctico e dinámico, tanto información sobre os recursos dispoñibles dende a Dirección Xeral de Xuventude e Voluntariado como formación que lles poda axudar de cara a un futuro.
 
Os obradoiros que se ofertan dende Activa son os seguintes:

• Mediación xuvenil para a participación.

• Programas e axudas para mozos e mozas.

• Emprégate.

• Comunícate.

Ao Concello de Narón foille concedido o obradoiro de Programas e axudas para mozos/as que versará sobre as oportunidades e medios que ten este colectivo a súa disposición sobre vivenda, mobilidade, voluntariado, asociacionismo, emprego e  bolsas e  axudas.

Os contidos do obradoiro:

• Dirección Xeral de Xuventude e Voluntariado.
• Información e formación
• Estrutura da rede galega de información e documentación xuvenil, instalacións da Xunta de Galicia a disposición da xuventude, espazos xove.
• Participacion e asociacionismo
• Voluntariado xuvenil
• Mobilidade
• Emprego
• Vivenda
• Ensino e bolsas

Esta xornada levarase a cabo o día 19 de setembro de 17:30 a 19:30 h na sá multiusos da Biblioteca Pública Municipal sita na rúa 25 de Xullo. As xornadas van destinadas á mozos e mozas menores de 30 anos, técnicos/as locais de emprego, animadores/as xuvenís, concelleiros/as de xuventude, asociacións, grupos informais e en xeral a calquera colectivo interesado no ámbito da xuventude.