O concelleiro de Deportes, Román Romero, vén de informar que o salón de plenos do Consistorio acollerá mañá, ás 11.00 horas, o sorteo público das dezaséis prazas da Campaña de Esquí 2016 da Deputación da Coruña
ao superar a demanda o número de vacantes existentes nesta localidade.
O citado sorteo realizarase ante o edil e o Secretario Xeral do Concello, Alfonso de Prado, que dará fe do acto.
A campaña diríxese a nenos e nenas de toda a provincia e divídese en varias quendas, se ben aos participantes de Narón lles corresponde a segunda, que terá lugar do 14 ao 19 de febreiro. A cita será na estación invernal de Leitariegos, en León, e destínase a rapaces e rapazas nados entre os anos 2001 e 2005, ambos incluídos.
As persoas participantes terán que pagar unha cota de inscrición de 95 euros, cantidade coa que se sufragarán os gastos de transporte, estadía, manutención, monitores, clases, seguros e aluguer de material, así como calquera outro derivado das actividades e cursos programados.