O Auditorio da Praza de Galicia acolle o sábado o Campeonato Galego e do Norte de España de Fisioculturismo e Fitness, con máis de 50 participantes.

Onde vai ser desta volta? Vaise celebrar no Auditorio Municipal da Praza de Galicia, o próximo sábado 3 de maio a partires das 16:00 horas.

Que competición é? Trátase do Campionato Galego e do Norte de España de Fisioculturismo e Fitness, organizado pola AEFF (Asociación Española de Fisioculturismo e Fitness) quen a través de Luis Pernas, propietario do centro deportivo Natural Revolution Fitness Center organiza este evento.

Onde podo mercar as entradas? As entradas estarán á venta nas billeteiras do Auditorio por un prezo de 10 euros.

Que probas se van disputar? O evento contempla a celebración de diferentes probas, nas que tomarán parte máis de 50 participantes de Galicia, Asturias, Cantabria, País Vasco, A Rioxa e Castela e León. Olliño coa xente do noso Concello! Do total de participantes, 16 proceden de Narón.

Establécense categorías masculina e feminina para o campionato, que será valorado por 7 xuices da Asociación Española de Fisioculturismo e Fitness.

Dentro de cada categoría, haberá diferentes probas

Categoría masculina:

• Principiantes 
• Mens Fashion
• Culturismo (talla baixa, talla media e talla alta)

Os campións de cada unha destas probas se disputarán o Trofeo Campión Absoluto Cidade de Narón.

Categoría feminina:

• Bikini
• Body Shape
• Culturismo

As gañadoras disputarán o Trofeo Honorífico Luis Pernas, no que se valorará o mellor esforzo persoal.

Ademáis, haberá un Premio Especial ó Mellor Posador, consistente nunha estancia de Fin de Semana nun balneario.

Os asistentes ó evento tamén poderán contemplar unha Exhibición de Luis Pernas, organizador e actual Campión de España de Fisioculturismo na categoría de peso pesado 2013. Ademáis deste título, Luis Pernas foi campión de España noutras 3 ocasións, e Campión Internacional do campionato “Mar Mediterráneo” en 2006.