A Concellería de Mocidade de Narón, dirixida pola edil Natalia Hermida, ven de editar o número 9 da revista da mocidade de Narón “Dameuntoke”.

Esta publicación, de carácter cuatrimestral, distribuirase nos os coles, os instis e edificios públicos de Narón. Concretamente en:

• Colexio Santiago Apostol (3º e 4º de ESO).
• Colexio Ayala (3º e 4º de ESO).
• Colexio O Feal (3º e 4º de ESO).
• Colexio Jorge Juan (3º e 4º de ESO)
• IES Terra de Trasancos (3º e 4º de ESO, Bacharelato e Ciclos de FP).
• IES As Telleiras (3º e 4º de ESO, Bacharelato e Ciclos de FP).
• Biblioteca Municipal de O Alto
• Casa da Mocidade
• Pazo da Cultura

En total, está previsto o reparto dun total de 893 exemplares, chegarán? Bulide a por un! Voan!

Querede saber de que imos falar neste número?

• Temos unha entrevista cunha das mellores xogadoras de fútbol sala de España, a naronesa Lidia Mesías, que nos fala da súa vida como profesional.
• Outra das protagonistas deste número é Ana Queipo, unha rapaza de Narón que estudia no IES Terra de Trasancos e que ten moitas inquedanzas intelectuais: escribe poesía, guións de curtametraxes, fai teatro, monólogos….
• Como sempre temos algún artigo sobre novas tecnoloxías: unha reportaxe sobre como buscar emprego a través da rede social Lindekin, e os diferentes usos que pódense dar a esta ferramenta tecnolóxica. 
• Incluso hai un Especial sobre a Biblioteca Municipal do Alto, no que  ademáis das habituais recomendacións, pódense descubrir as listas de éxitos deste verán pasado e as últimas incorporacións: os audiolibros.
• Outro dos temas desta publicación versa sobre as Oficinas de Atención ó Consumidor, e cómo facer valer os  nosos dereitos a través destos servizos.
• Tamén ofrecemos consellos de saúde para aquel@s que queirades facervos un piercing ou tatuaxe.

Xa estades tardando en ir a por un exemplar!!