Duración e contías:

• Duración 12 meses.
• Terminarán o 31 de decembro de 2017.
• Contía total da bolsa será de 12.900 € brutos por ano, que se percibirán cada mes a razón dunha contía bruta de 1.075 € e que estarán suxeitos ás retencións que proceda.

Requisitos dos solicitantes
Estar en posesión dun título universitario de nivel 3 Máster ou de Licenciado con equivalencia ao devandito nivel, en calquera das ramas de Ciencias Sociais e Xurídicas ou Humanidades obtida no curso académico 2011-2012 ou posterior.

Acreditar coñecementos específicos durante polo menos 300 horas lectivas, nalgunhas das seguintes materias:

• Catalogación en formato MARC. ABSYSNET.
• Atención ao usuario en servizos de información.
• Linguaxes de marcado aplicados aos rexistros bibliográficos.
• Fontes de información en ciencias sociais, xurídicas, políticas, económicas, financeiras e europea.
• Buscadores para servizos de información.
• Posicionamento en Web.
• A Web 2. Redes sociais.
• Xestión e tratamento de recursos e materiais electrónicos. Metadatos.
• Dixitalización. Manexo de ferramentas para o tratamento de imaxes.
• Tratamento e análise documental. Uso de linguaxes documentais.
• Descrición e normalización archivística.

Non gozar durante máis de seis meses doutra bolsa do Congreso dos Deputados das mesmas características.

A solicitude axustarase, necesariamente, ao modelo de instancia que se achega como Anexo I da presente convocatoria.

O prazo para presentar solicitudes estará aberto ata o 28 de novembro de 2016.

Transcorrido  o  prazo  de presentación de solicitudes, elaborarase unha  relación  provisional de aspirantes admitidos e excluídos, con indicación da causa de exclusión, que  se fará  pública  no taboleiro  de anuncios do  Congreso  dos Deputados e na súa páxina web (http://www.congreso.es).

Máis información no anuncio do BOE do 7 de novembro de 2016