Este programa permitirá atender a 470 persoas desempregadas que estean empadroadas en Narón. Se é o voso caso poderedes realizar varios cursos do total da oferta, sempre que garden relación entre eles.

En conxunto, o Concello ofrecerá un total de 22 accións formativas, divididas en seis ámbitos:

Ámbito das novas tecnoloxías:

1. Iniciación á búsqueda de emprego en Internet
2. Iniciación ó uso de navegadores, correo electrónico e perfís de redes sociais para o emprego
3. Iniciación á procesador de textos Word
4. Iniciación á folla de cálculo Excel
5. Iniciación á base de datos Access 
6. Aplicativos libres

Ámbito interprofesional:

1. Prevención de riscos e saúde laboral
2. Atención interprofesional ó público
3. Manipulación de alimentos
4. Destrezas básicas de camareiro/a. Cafetería, bar e restaurante
5. Iniciación a teleoperador de ventas

Ámbito de mellora da empregabilidade:

1. Destreza de mellora de capacidades persoais e profesionais
2. Obradoiro de adestramento de entrevistas profesionais
3. Sesións de elaboración de cartas de presentación profesionais e currículums

Ámbito de iniciación para o emprendemento: diversas ocupacións

1. Ocupación agropecuaria e forestal: Iniciación ó manexo de invernadoiros
2. Ocupación agropecuaria e forestal: Iniciación á maquinaria agroforestal manual lixeira
3. Ocupación agropecuaria e forestal: Iniciación á cría de galiñas poñedoras e aves de engorde
4. Ocupación de comercio electrónico: Iniciación ás plataformas e técnicas de comercio electrónico

Ámbito profesional ou ocupación de limpeza industrial:

1. Técnicas, produtos e útiles de limpeza industrial aplicada

Ámbito interprofesional de innovación e transferencia de coñecemento:

1. Obradoiro de transferencia de coñecementos para universitarios I
2. Obradoiro de transferencia de coñecementos para universitarios II
3. Obradoiro de destrezas de autonomía na utilización e funcionamento con equipos informáticos domésticos

Estes cursos non van ter todos a mesma duración, irán dende as 10 horas ata as 60 horas dos máis longos, permitindo aos beneficiarios e beneficiarias asistir a varios deles en poucos días.

Estas accións formativas van traballar destrezas concretas sen abordar competencias profesionais propias de certificados de profesionalidade ou cualificacións máis altas e longas.

Habilita 2013 ten un caracter polivalente, facilitando aos asistentes aplicar distintas técnicas aprendidas a diferentes profesións e ocupacións.

Calquera veciño/a de Narón que sexa demandante de emprego, pode presentar a solicitude para unha ou varias accións formativas. A admisión nos cursos será por riguroso orde de inscrición, tendo preferencia os que estean inscritos nas primeiras opcións do programa.

Para facer a inscrición podedes descargar os formularios no banner da web do Concello de Narón (www.naron.es) ou ben solicitándoo no Rexistro Xeral do Concello, onde teredes que presentalo cuberto. O horario de apertura do Rexistro Xeral é de 08:30 a 13:30 horas.

Estes cursos vanse celebrar no mes de decembro con diferentes horarios e en diferentes días. As persoas inscritas serán avisadas por correo electrónico ou por teléfono.

Aproveitade a oportunidade rapaces e rapazas! Non perdades o tempo!