O Alcalde de Narón, José Manuel Blanco, asinou tres convenios de colaboración co Club Narón Balompé Piñeiros, o Club de Atletismo Sierra de Narón, e a Escola Superior de Kárate de Narón. En representación destas entidades acudiron os seus presidentes, Emilio Andrés Gómez, Mª Antonia Romero García, e Victoriano Casal Sánchez, respectivamente.

O Concello destinará a estas tres agrupacións deportivas un total de 158.000 euros, repartidos do seguinte xeito:

• Club Narón Balompé Piñeiros: 128.000€

• Club de Atletismo Sierra de Narón: 21.000€

• Escola Superior de Kárate de Narón: 9.000€

Con estos convenios, dende o Concello de Narón preténdese afianzar o desenvolvemento dun asociacionismo forte e con proxección de futuro, e potenciar e promocionar as diferentes actividades deportivas de carácter competitivo. Búscase así reforzar a presencia dos clubes locais que nun futuro próximo construirán os peares do asentamento e crecemento do sistema deportivo municipal.