O concelleiro de Medio Ambiente de Narón, Manuel Ramos, presentou a páxina web rioxuvia.naron.es, deseñada co fin de potenciar o patrimonio medioambiental a nivel hidrográfico, e de ecosistema do que Narón dispón, no marco do espazo natural europeo “Rede Natura 2000”.

Esta páxina foi elaborada coa cofinanciación da Consellería de Medio Ambiente e Desenvolvemento Sostible, e con fondos municipais, e deseñada a partires do proxecto técnico “Didáctica do Patrimonio Natural Xuvia-Río Natura”. O coste total deste proxecto foi de 24.000€.

A páxina web contén varios apartados polos que navegar, entre os que se recollen unha galería fotográfica, un itinerario autoguiado con proposta de rutas para facer, e un apartado de novidades e modos de acceso. Ademáis, proximamente incluirá unha visión integral da cunca hidrográfica fluvial do río Xuvia, mediante un atlas interactivo do río Xuvia.

Este atlas permitirá navegar a través dos distintos lugares e detalles da cunca, percorrendo por capas o mapa forestal, demográfico, agropecuario, patrimonial, hidrográfico, orográfico, etc… ofrecendo unha sintética pero abondosa información sobre estos aspectos.

Tamén queda deseñado un foro, que se irá desenvolvendo nos vindeiros meses para posibilitar a participación de entidades asociativas, estudiososo, persoas curiosas e cidadanía en xeral.