realicen estadías-visitas non remuneradas en empresas radicadas en Galicia, para os efectos de que adquiran competencias, habilidades e cualificacións que complementen o seu desenvolvemento persoal e a súa formación.

Quen poderá solicitar estas axudas?

• Entidades sen ánimo de lucro, con sede permanente ou domicilio social en Galicia que lle presten servizos á mocidade.
• Concellos, agrupacións de concellos ou mancomunidades da Comunidade Autónoma validamente constituídas.

Así mesmo, aqueles concellos que pertenzan a unha mesma zona sen constituír mancomunidade para estes efectos e acorden desenvolver programas conxuntos de actuación, poderán solicitar as axudas.

Que criterios deberán cumprir os proxectos subvencionados?

•  Deben ter como persoas destinatarias mozos e mozas con idades comprendidas entre os 14 e 18 anos con autorización do pai, da nai ou titor/a legal.
•  O período do proxecto será de dous meses e terá como data límite de realización o 15 de novembro de 2015.
•  A duración das estadías-visitas será entre 5 e 15 días hábiles. As xornadas diarias nas empresas serán de 4 horas como mínimo.
•  O número de mozos/as participantes non poderá ser superior a 30.

Os proxectos constarán de tres fases:

1.  Organización e planificación (que inclúe entre outros, o proceso selectivo e a busca de empresas de acollida para as estadías-visitas).
2.  A realización das estadías-visitas non remuneradas en empresas radicadas en Galicia (incluirá a titorización e o seguimento das estadías).
3.  Avaliación e seguimento posterior (inclúe a visualización que se lle dará ao proxecto en particular e ao programa Deseñando o teu futuro en xeral).

Cando se pode presentar as solicitudes ?

O prazo para presentar solicitudes estará aberto ata o 11 de maio de 2015.

As solicitudes están dispoñibles en https://sede.xunta.es no procedemento BS326A

Máis información no DOG do 10 de abril de 2015 e en teufuturo.ctb@xunta.es