A Concellería de Xuventude do Concello de Santiago de Compostela convocou a VI edición de Música Xove´13, que ten a intención de promocionar, impulsar e canalizar a creatividade musical da xuventude.

Dende o 2008 existe este certame que está aberto non só as bandas e solistas da cidade de Compostela, senón que pode participar calquera que desenvolva a súa actividade en Galicia.

Queredes participar? Estas son algunhas das normas:

• A media de idade das persoas da banda ou solistas ten que ser de 35 anos ou menos
• Tedes ata o 8 de novembro para solicitar a inscrición.
• As solicitudes deberán entregarse no Rexistro Xeral do Concello de Santiago en persoa ou por correo.
• Os/as participantes non poderán ter ningún disco editado, maqueta ou produto similar con selos discográficos ou productoras

Que podedes acadar? Hai 3 premios:

• Primer premio ao mellor grupo de 1800 €
• Segundo premio de 800 €
• Premio Especial do Xurado de 400 €

Ademais vaise editar un disco coa participación dos catro finalistas desta edición, os dous primeiros grabarán 4 temas cada un, e os dous seguintes 2 temas.

Se queredes información adicional podedes pedila aquí

• o Facebook da Concellería de Xuventude do Concello de Santiago
• o seu twitter: @XuventudeCompos
• nas propias oficinas no Centro Sociocultural e Xuvenil O Ensanche na rúa Frei Rosendo Salvado, 14-16.
• no teléfono 981543001
• no email: dptoxuventude@santiagodecompostela.org

Deixamos para descarga a folla de inscrición e a normativa completa.