A Praza de Galicia acollerá o sábado 24 de setembro ás 16:30 horas unha nova edición dos Xogos Solidarios da ONG Lena (realízanse dúas veces ó ano, coincidindo co inicio e o remate do curso escolar). Dado que os xogos realizaránse ó aire libre, en caso de choiva trasladaranse ó Pavillón da Mocidade (A Gándara).

A organización dos Xogos Solidarios conta coa colaboración da Concellería de Mocidade do Concello de Narón. A organización repartirá agasallos entre os participantes.

A relación de actividades propostas é a seguinte:

• Xogos tradicionais (tiro de corda, brilé, pano, chapa, carreira de sacos, e zancos).
• Futbolín.
• Baloncesto 3x3.
• Obradoiro de xoguetes.
• Tiro con arco.